23158 ۔۔۔ مطر حسن بصری (رح) سے روایت کرتے ہیں کہ حضرت سعد بن وقاص (رض) نے فرمایا : اللہ تبارک وتعالیٰ کے ہاں قیامت کے دن مؤذنین کا حصہ مجاہدین کے حصہ کے برابر ہوگا اور موذنین کی اذان و اقامت میں مثال ایسی ہے جیسے کوئی مجاہد اللہ کی راہ میں خون میں لت پت ہو۔ حسن کہتے ہیں : حضرت عبداللہ بن مسعود (رض) کا فرمان ہے : اگر میں موذن ہوتا تو مجھے حج عمرہ اور جہاد کرنے کی کچھ پروا نہ ہوتی ۔ حضرت عمر بن خطاب (رض) فرماتے ہیں کہ : اگر میں موذن ہوتا تو میرا معاملہ مکمل ہوچکا ہوتا پھر مجھے راتوں کے قیام اور دن کے روزوں کی کچھ پر وہ نہ ہوتی چونکہ میں نے حضور اکرم (صلی اللہ علیہ وآلہ وسلم) آپ نے ہمیں چھوڑ دیا ہم تو اذان کے لیے تلواروں سے جھگڑیں گے ارشاد ہو ان اے عمر ! ہرگز ایسا نہیں ہوگا عنقریب ایک ایسا زمانہ آنے والا ہے کہ اذان کی ذمہ داری معاشرہ کے ضعیف (نچلے درجہ کے ) لوگوں کے سپرد ہوگی حالانکہ موذنین کے گوشت پوست کو اللہ تعالیٰ نے آگ پر حرام کردیا ہے۔ حضرت عائشہ (رض) فرماتی ہیں ک موذنین کی شان میں یہ آیت ہے۔ ” ومن احسن قولا ممن دعا الی اللہ وعمل صالحا وقال اننی من المسلمین “۔ س آدمی سے زیادہ اچھی بات کس کی ہوسکتی ہے جو اللہ تبارک وتعالیٰ کی طرف بلاتا ہو اور نیک عمل کرتا ہوں اور کہتا ہو کہ میں بلاشبہ مسلمان ہوں حضرت عائشہ (رض) فرماتی ہیں اس آیت کا مصداق موذن ہے چنانچہ جب وہ ” حی علی الصوۃ “ کہتا ہے تو گویا اس نے اللہ تبارک وتعالیٰ کی طرف آنے کی دعوت دی اور جب وہ نماز پڑھ لیتا ہے تو اس نے نیک عمل کرلیا اور جب وہ ”’ اشھد ان لا الہ الا اللہ “۔ کہتا ہے تو اس نے اپنے مسلمان ہونے کا اقرار کرلیا (رواہ البیھقی فی شعب الایمان)