23187 ۔۔۔ سعد قرظ (رض) کی روایت ہے کہ حضرت بلال (رض) قبلہ رہ ہو کر حضور اکرم (صلی اللہ علیہ وآلہ وسلم) کے لیے اذان دیتے تھے (اور اذان کے یہ کلمات کہتے تھے) اللہ اکبر اللہ اکبر اللہ اکبر اللہ اکبر اشھد ان لا الہ الا اللہ اشھد ان لا الہ الا اللہ اشھد ان محمدا رسول اللہ اشھد ان محمدا رسول اللہ ۔ پھر دائیں طرف رخ موڑ کر کہتے اشھد ان لا الہ الا اللہ اشھد ان محمدا رسول اللہ ۔ یہ کلمات دو دو مرتبہ کہتے تھے پھر قبلہ کی مخالف سمت مڑ کر کہتے ” حی علی الصلوۃ حی علی الصلوۃ پھر قبلہ سے بائیں طرف مڑ کر کہتے ۔ حی علی الفلاح حی علی الفلاح پھر قبلہ رو ہو کر کہتے : اللہ اکبر اللہ اکبر لا الہ الا اللہ حضرت بلال (رض) ہی حضور اکرم (صلی اللہ علیہ وآلہ وسلم) کے لیے اقامت کہتے تھے اور اقامت کے کلمات ایک ایک مرتبہ کہتے تھے ۔ (رواہ ابوالشیخ فی الاذان)