23214 ۔۔۔ حضرت عبداللہ ابن عمرو (رض) کی روایت ہے کہ اللہ تبارک وتعالیٰ اہل زمین کی کسی بات کو نہیں سنتے سوائے موذنین کی اذان کے اور حسن صوت کے ساتھ تلاوت قرآن مجید کے ۔ (رواہ الخطیب عن معقل بن یسار) کلام : ۔۔۔ یہ حدیث ضعیف ہے۔ دیکھئے ضعف الجامع 672 اوالمتناھیۃ 658 ۔ فائدہ : ۔۔۔ اللہ تعالیٰ تو اہل زمین کی ہر بات سنتے اور ہر ادا کو دیکھتے ہیں حدیث میں جو تخصیص بیان کی گئی ہے وہ اس معنی میں ہے کہ اللہ تعالیٰ اہل زمین کی جس آواز کو خوش ہو کر سنتے ہیں اور اجر عظیم عطا فرماتے ہیں وہ اذان اور تلاوت ہے۔