2329 ۔۔ قرآن قیامت کے روز آئے گا اور کہے گا اے پروردگار ! اس کو خلعت عزت سے نوازیں۔ پھر اس پڑھنے والے کو ایک تاج پہنا دیا جائے گا۔ قرآن کہے گا اے اللہ مزید اضافہ فرمائیے ! پھر اس کو مکمل خلعت عزت زیب تن کردی جائے گی۔ قرآن کہے گا اے اللہ ! اب اس کو اپنی رضاء و خوشنودی کا پروانہ عطا کردیجیے۔ تو پروردگار اس سے راضی و خوش ہوجائیں گے اور اس کو کہا جائے گا پڑھتا جا چڑھتا جا۔ اور اس کو ہر حرف کے عوض ایک نیکی دی جائے گی۔ الصحیح للترمذی (رح)۔ المستدرک للحاکم بروایت ابوہریرہ (رض) ۔