23340 ۔۔۔ عمرو بن شمر ، سعد بن ظریف ، اصبغ بن نباتہ کے سلسلہ سند سے سیدنا حضرت علی المرتضی (رض) کی روایت ہے کہ رسول کریم (صلی اللہ علیہ وآلہ وسلم) نے ارشاد فرمایا جمعہ کے دن جبرائیل امین (علیہ السلام) مسجد حرام میں اترتے ہیں اور مسجد میں اپنا جھنڈا نصب کرتے ہیں۔ اسی طرح اور بھی بہت سارے فرشتے اس مساجد کی طرف اترتے ہیں جس میں جمعہ قائم کیا جاتا ہے۔ چنانچہ یہ فرشتے بھی اپنے جھنڈے مساجد کے دروازوں پر نصب کرتے ہیں پھر چاندی کے بنے ہوئے اوراق پھیلاتے ہیں فرشتوں کے ہاتھوں میں سونے کے قلم ہوتے ہیں اور پھر ان لوگوں کے نام لکھتے ہیں جو سویرے سویر جمعہ کے لیے آجاتے ہیں چنانچہ جب مسجد میں پہلے پہل پہنچنے والوں کی تعداد ستر ہوجاتی ہے تو فرشتے اوراق لپیٹ لیتے ہیں ان ستر لوگوں کی مثال ان جیسی ہے جنھیں موسیٰ (علیہ السلام) نے اپنی قوم سے چنا تھا اور وہ سب انبیاء تھے ۔ (رواہ ابن مردویہ) کلام : ۔۔۔ یہ حدیث ضعیف ہے چونکہ عمرو ، سعد اور اصبغ یہ تینوں راوی متروک ہیں یہ حدیث اوزاعی (رح) نے بھی عمیر بن ھانی کی سند سے روایت کی ہے۔