23343 ۔۔۔ ” مسند علی “ مولی ام عثمان کہتے ہیں کہ میں نے جامع مسجد کوفہ کے منبر پر سیدنا حضرت علی المرتضی (رض) کو فرماتے سنا ہے کہ جمعہ کے دن شیاطین اپنے جھنڈے لے کر بازاروں کی طرف آجاتے ہیں اور لوگوں کو طرح طرح کے حیلے بہانوں سے نشانہ بناتے ہیں اور انھیں طرح طرح کی حوائج یاد کراتے ہیں پھر انھیں جمعہ کے لیے آنے سے روک دیتے ہیں ، فرشتے بھی اپنے جھنڈے لے کر مساجد کے دروازوں پر آجاتے ہیں ایک ساعت اور دو ساعتوں میں آنے والوں کے نام لکھتے ہیں یہاں تک کہا امام آجائے پس جب کوئی آدمی بیٹھ جاتا ہے خطبہ سنتا اور اپنی نظر بھی امام پر جمائے رکھتا ہے لیکن اس سے کوئی لغو حرکت سرزد ہوجاتی ہے اور خاموش نہیں رہتا اس پر گناہ کا ایک حصہ ہے اور جس نے جمعہ کے دن اپن کسی ساتھی سے ’ خاموش رہو “ کہا اس نے بھی لغو کا ارتکاب کیا اور جس سے لغو حرکت سرزد ہو اس کے لیے جمعہ میں سے کوئی حصہ نہیں : پھر سیدنا حضرت علی المرتضی (رض) نے اس کے آخر میں کہا : میں نے حضور اکرم (صلی اللہ علیہ وآلہ وسلم) کو یہی فرماتے سنا ہے۔ (رواہ ابوداؤد والبیہقی و ضعیف ابی مع 657 ۔