23359 ۔۔۔ ” مسند علی (رض) عاصم بن ضمرہ روایت نقل کرتے ہیں کہ ہم نے حضرت علی (رض) سے پوچھا : حضور اکرم (صلی اللہ علیہ وآلہ وسلم) دن کو کیسے نفل پڑھتے تھے حضور اکرم (صلی اللہ علیہ وآلہ وسلم) نے فرمایا : جس طرح حضور اکرم (صلی اللہ علیہ وآلہ وسلم) نفل پڑھتے تھے اس کی تم طاقت نہیں رکھتے ہو ہم نے کہا : آپ ہمیں بتائیں جتنی ہم میں طاقت ہوئی ہم حضور اکرم (صلی اللہ علیہ وآلہ وسلم) کے عمل کو اختیار کریں گے حضرت علی (رض) فرمایا حضور اکرم (صلی اللہ علیہ وآلہ وسلم) فجر کی نماز پڑھ کر توقف کرتے اور جب سورج یہاں پہنچ جاتا یعنی مشرق کی طرف سے اتنی مقدار میں ہوجاتا جتنی میں مغرب کی طرف عصر کے وقت ہوتا ہے حضور اکرم (صلی اللہ علیہ وآلہ وسلم) کھڑے ہوجاتے اور چار رکعت پڑھتے اور جب سورج زائل ہوجاتا تو ظہر سے قبل چار رکعت پڑھتے پھر ظہر کی نماز کے بعد دو رکعت پڑھتے عصر سے پہلے بھی چار رکعت پر ھتے ہر دو رکعتوں میں فرق مقرب فرشتوں مومنین اور مسلمانوں پر سلام بھیج کر کرتے ۔ حضرت علی (رض) نے فرمایا حضور اکرم (صلی اللہ علیہ وآلہ وسلم) کا یہ دس رکعتیں نفل تھیں جن پلر کہ مداومت کرنے والے کم ہی ہیں۔ (رواہ ابن ابی شیبۃ والامام احمد بن حنبل وابن منیع والترمذی وقال حسن والنسائی وابن ماجہ وابو یعلی وابن جریر وصححہ وابن حزیمۃ والبیھقی والضیاء المقدسی ) فائدہ : ۔۔۔ ہر فرض نماز کے ساتھ معروف سنتوں کو کتب فقہ وحدیث میں نفل کی اصطلاح سے تعبیر کیا جاتا ہے لہٰذا مؤلف (رح) نے اس باب میں جو نفل کا لفظ استعمال کیا ہے س سے مراد بھی معروف عندنا سنن ہیں۔