23382 ۔۔۔ عبداللہ بن شفیق کی روایت ہے کہ میں نے حضرت عائشہ (رض) سے حضور اکرم (صلی اللہ علیہ وآلہ وسلم) کی نماز کے متعلق پوچھا تو انھوں نے جواب دیا کہ حضور اکرم (صلی اللہ علیہ وآلہ وسلم) رات کو کھڑے ہو کر لمبی نماز پڑھتے تھے اور پھر دوسری رات کو بیٹھ کر لمبی نماز پڑھتے تھے میں نے پوچھا : آپ نماز میں کیا کرتے تھے ؟ حضرت عائشہ (رض) نے جواب دیا : جب کھڑے ہو کر نماز پڑھتے تو رکوع بھی کھڑے ہو کر کرتے تھے اور جب بیٹھ کر نماز پڑھتے تو رکوع بھی بیٹھ کر کرتے تھے (رواہ عبدالرزاق )