23400 ۔۔۔ حضرت حذیفہ بن یمان (رض) کی روایت ہے کہ ایک مرتبہ میں نے حضور اکرم (صلی اللہ علیہ وآلہ وسلم) کے یہاں رات گزاری چنانچہ حضور اکرم (صلی اللہ علیہ وآلہ وسلم) اٹھے اور مسجد میں جا کر نماز پڑھنے لگے میں بھی آپ کے پیچھے نماز پڑھنے کے لیے جا کھڑا ہوا میرا خیال ہے کہ شاید حضور اکرم (صلی اللہ علیہ وآلہ وسلم) کو میرا علم نہیں ہوا تھا چنانچہ حضور اکرم (صلی اللہ علیہ وآلہ وسلم) نے سورت بقرہ شروع کردی میں سمجھا شاید سو آیات پڑھنے کے بعد رکوع کرلیں لیکن حضور اکرم (صلی اللہ علیہ وآلہ وسلم) نے رکوع نہ کیا میں نے کہا شاید وہ سو آیات پڑھ لینے کے بعد رکوع کرلیں لیکن حضور اکرم (صلی اللہ علیہ وآلہ وسلم) نے پھر بی رکوع نہ کیا میں نے کہا : جب سورت ختم کرلیں گے تو رکوع کریں گے چنانچہ سورت تو ختم کی لیکن رکوع نہ کیا جب سورت ختم کہ تو کہا :” اللھم لک الحمد “ (تین بار کہا) پھر آپ نے سورت نساء شروع کردی میں نے کہا : اس کو ختم کرکے رکوع کرلیں گے چنانچہ حضور اکرم (صلی اللہ علیہ وآلہ وسلم) نے سورت ختم کی اور رکوع کیا میں نے سنا کہ آپ رکوع میں کہہ رہے تھے ” سبحان ربی العظیم “ آپ اپنے ہونٹوں کو ہلاتے رہے میں نے کہا ۔ آپ اس کے علاوہ کچھ اور بھی پڑھ رہے ہیں پھر سجدہ کیا اور سجدہ میں کہا ” سبحان ربی الاعلی “ آپ اپنے ہونٹوں کو ہلاتے رہے مجھے یقین ہے کہ آپ نے کچھ اور بھ پڑھا لیکن میں اسے نہ سمجھ سکا پھر آپ نے سورت انعام شروع کردی لیکن میں حضور اکرم (صلی اللہ علیہ وآلہ وسلم) کو چھوڑ کر چل دیا (رواہ عبدالرزاق)