23414 ۔۔۔ حسن بصری (رح) روایت نقل کرتے ہیں کہ رسول اللہ (صلی اللہ علیہ وآلہ وسلم) نے ارشاد فرمایا : آدمی جب رات کو اپنے بستر پر سوتا ہے تو شیطان اس کے پاس آکر اس پر تین گرہیں لگا دیتا ہے ایک گرہ اس کے سر میں ایک گرہ اس کے درمیان میں اور ایک گرہ اس کے پاؤں میں ۔ اگر رات کو بیدار ہوجائے اور اللہ تعالیٰ کا ذکر کرلے تو اس کی اوپر والی گرہ کھل جاتی ہے اگر بیٹھ کر اللہ تعالیٰ کو یاد کرلے تو درمیان والی گرہ کھل جاتی ہے اور اگر کھڑے ہو کر بھی اللہ تعالیٰ کو یاد کرے (نماز پڑھ لے) تو نیچے والی گرہ بھی کھل جاتی ہے۔ اور اگر جوں کا توں صبح تک سوتا رہے تو شیطان اس کے کانوں میں پیشاب کرجاتا ہے اور صبح کو بوجھل اور سست حالت میں اٹھتا ہے۔ (رواہ ابن جریر)