23453 ۔۔۔ عبداللہ بن حارث کہتے ہیں میں نے سیدنا حضرت عثمان ذوالنورین (رض) کے دور خلافت میں نماز چاشت کے متعلق سوال کیا ، حالانکہ اس زمانہ میں صحابہ کرام رضوان اللہ تعالیٰ عنہم اجمعین وافر تعداد میں موجود تھے میں نے کسی ایک کو بھی نہیں پایا جس نے نماز چاشت کے متعلق نبی کریم (صلی اللہ علیہ وآلہ وسلم) کی کوئی حدیث سنائی ہو بجز ام ہانی (رض) کے چنانچہ وہ کہتی ہیں کہ نبی کریم (صلی اللہ علیہ وآلہ وسلم) نے فتح مکہ کے دن فاطمہ (رض) سے کہا : میرے لیے غسل کے واسطے پانی رکھو چنانچہ فاطمہ (رض) نے ایک برتن میں پانی ڈال دیا میں نے اس برتن میں آٹے کے نشانات دیکھے آپ (صلی اللہ علیہ وآلہ وسلم) نے آٹھ رکعات نماز پڑھی میں نے آپ (صلی اللہ علیہ وآلہ وسلم) کو چاشت کے وقت اس سے پہلے نماز پڑھتے دیکھا اور نہ ہی اس کے بعد ۔ (رواہ ابن جریر)