23456 ۔۔۔ عبداللہ بن حارث بن نوفل کہتے ہیں حضرت عبداللہ ابن عباس (رض) نماز چاشت نہیں پڑھتے تھے انھیں ام ہانی (رض) کے پاس لے گیا اور کہا : تم انھیں بھی وہ کچھ بتاؤہ جو کچھ مجھے بتایا تھا ، ام ہانی (رض) کہنے لگیں فتح مکہ کے موقع پر نبی کریم (صلی اللہ علیہ وآلہ وسلم) میرے پاس تشریف لائے آپ (صلی اللہ علیہ وآلہ وسلم) نے پانی مانگا آپ کے لیے ایک برتن میں پانی ڈال دیا گیا پھر آپ (صلی اللہ علیہ وآلہ وسلم) نے ایک کپڑا تنوا دیا جس سے میرے اور آپ (صلی اللہ علیہ وآلہ وسلم) کے درمیان پردہ ہوگیا آپ (صلی اللہ علیہ وآلہ وسلم) نے غسل کیا اور جو پانی بچ گیا وہ گھر کے ایک کونے میں بہا دیا پھر آپ (صلی اللہ علیہ وآلہ وسلم) نے آٹھ رکعات پڑھیں یہ نماز چاشت تھی اس میں قیام رکوع سجدہ اور جلسہ یکساں مقدار میں تھے یہ حدیث سننے کے بعد حضرت عبداللہ ابن عباس (رض) ام ہانی (رض) کے گھر سے باہر نکلے وہ کہہ رہے تھے میں نے پورا قرآن پڑھا ہے لیکن آج مجھے نماز چاشت کا علم ہوا ہے چنانچہ مخلوق عشاء اور اشراق کے وقت تسبیح کرتی ہے۔ عبداللہ بن حارث (رض) کہتے ہیں : میں کہا کرتا تھا کہ اشراق کی نماز کہاں ہوگی پھر حضرت عبداللہ ابن عباس (رض) نے کہا : اس کے بعد اشراق کی نماز ہے ۔۔ (رواہ ابن جریر)