23469 ۔۔۔ نوفل بن ایاس ھذلی کی روایت ہے کہ ہم سیدنا حضرت عمر ابن خطاب (رض) کے دور خلافت میں مسجد میں مختلف ٹولیوں میں نماز (تراویح) پڑھتے تھے چنانچہ ایک جماعت یہاں کھڑی ہے دوسری وہاں، اور جس قاری کی آواز زیادہ اچھی ہوتی لوگوں کا رجحان اس کی طرف زیادہ ہوتا یہ حالت دیکھ کر سیدنا حضرت عمر ابن خطاب (رض) نے فرمایا : میں سمجھتا ہوں کہ ان لوگوں نے قرآن مجید کو گیتوں کا مجموعہ بنا لیا ہے بخدا ! اگر مجھ میں طاقت ہوئی تو اس حالت کو میں ضرور تبدیل کروں گا چنانچہ اس کے بعد صرف تین ہی راتیں گزری تھیں آپ (رض) نے حضرت ابی بن کعب (رض) کو حکم دیا کہ لوگوں کو نماز پڑھائیں پھر آپ (رض) نے آخری صف میں کھڑے ہو کر اعلان کیا کہ اگر یہ نئی بات ہے تو بہت اچھی ہے۔ مرواہ ابن سعد والبخاری فی خلق الافعال وجعفر الفریابی فی السنن) فائدہ : ۔۔۔ سیدنا حضرت عمر ابن خطاب (رض) نے باجماعت تراویح کو جو بدعت کہا ہے یہ لغوی معنی میں ہے نہ کہ اصطلاحی معنی میں یعنی بدعت نیا طریقہ نئی بات کے ہے اسے اصطلاحی بدعت سے نہیں تعبیر کیا جاسکتا چونکہ اس وقت صحابہ کرام (رض) کی کثیر تعداد موجود تھی آپ (رض) کی رائے سب صحابہ نے نہ صرف بخوشی قبول کہ بلکہ اس کی حماعت کی اور توثیق کی لہٰذا صحابہ کرام (رض) کا اس پر اجماع ہوگیا لہٰذا سے بدعت کہنا یا سمجھنا خطرہ سے خالی نہیں ۔ م بل اقول ان قائلہ کا دان یفسق بل یکفر لانہ قدانکر اجماع الصحابۃ (رض) واللہ اعلم )