23479 ۔۔۔ سیدنا حضرت علی المرتضی (رض) کہتے ہیں : میں سیدنا حضرت عمر ابن خطاب (رض) کو ماہ رمضان میں قیام پر ابھارا کرتا تھا اور انھیں خبر دیتا تھا کہ ساتویں آسمانوں پر ایک مبارک مقام ہے جسے حظیرۃ القدس کہا جاتا ہے اس میں ایک قوم ایسی ہے جسے روح کہا جاتا ہے چنانچہ جب لیلۃ القدر ہوتی ہے یہ قوم اپنے رب تعالیٰ سے آسمان دنیا پر اترنے کی اجازت طلب کرتی ہے رب تعالیٰ انھیں اجازت مرحمت فرما دیتا ہے چنانچہ یہ جس نمازی کے اوپر سے گزرتے ہیں اس کے لیے دعا کرتے ہیں۔ سیدنا حضرت عمر ابن خطاب (رض) نے فرمایا : اے ابو الحسن لوگوں کو نماز پر برانگیختہ کرتے رہو تاوقتیکہ انھیں بھی برکت کا حصہ مل جائے (پھر آپ (رض) نے لوگوں کو قیام اللیل کا حکم دیا) ۔ (رواہ شعب الایمان للبیہقی وسندہ ضعیف)