23486 ۔۔۔ مسند حذیفہ بن یمان (رض) سعید بن عاص روایت نقل کرتے ہیں کہ انھوں نے ایک غزوہ کے دوران کہا اور ان کے ساتھ حضرت حذیفہ بھی تھے کہ تم میں سے کسی نے رسول اللہ (صلی اللہ علیہ وآلہ وسلم) کے ساتھ نماز خوف پڑھی ہے ؟ حضرت حذیفہ (رض) بولے ، میں نے آپ (صلی اللہ علیہ وآلہ وسلم) کے ساتھ نماز خوف پڑھی ہے۔ چنانچہ حضرت حذیفہ (رض) نے مجاہدین کو حکم دیا کہ اپنے اپنے ہتھیار سنبھال لو اور اگر تم دشمن کی طرف سے کوئی حرکت محسوس کرو تو اس وقت تمہارے لیے جنگ حلال ہوجائے گی پھر حذیفہ (رض) نے مجاہدین کی دو جماعتیں بنائیں ایک جماعت کو ایک رکعت پڑھائی جب کہ دوسری جماعت دشمن کے مقابل کھڑی رہی پھر پہلی جماعت چلی گئی اور دوسری جماعت کی جگہ (دشمن کے مدمقابل) کھڑی ہوگئی اور دوسری جماعت آئی اور حذیفہ (رض) نے انھیں ایک رکعت پڑھا کر سلام پھیر دیا ۔ مرواہ عبدالرزاق و ابن ابی شیبۃ ، عبد بن حمید وابو داؤد، والنسائی وابن جریر ، و شعب الایمان للبیہقی، والحاکم)