2349 ۔۔ جس نے قرآن پڑھا، اس نے نبوت کو اپنی پسلیوں کے درمیان لے لیا۔ صرف یہ کہ اس پر وحی نہیں اترتی۔ اور جس نے قرآن پڑھا۔ پھر اس نے کسی اور دنیاوی شان و شوکت والے کے متعلق گمان کیا کہ وہ اس سے افضل نعمت ہے۔ تو درحقیقت اس نے ذلیل و پست چیز کو عظیم خیال کیا۔ اور افضل ترین نعمت کی حقارت و ناقدری کی۔ اور حامل قرآن کو مناسب نہیں کہ کسی بیوقوف کے ساتھ ویسا ہی برتاؤ کرے اور یہ کہ کسی غصہ ور کے ساتھ غصہ کرے۔ اور کسی سخت طبع کے ساتھ سختی و تیزی کا سلوک کرے۔ بلکہ اسے چاہیے کہ فضیلت قرآنیہ کی وجہ سے عفو و درگزر سے کام لے۔ (محمد بن نصر، الکبیر للطبرانی (رح) بروایت ابن عمرو (رض) ابن ابی شیبہ عنہ موقوف)