23515 ۔۔۔ نعمان بن بشیر (رض) کی روایت ہے کہ حضور اکرم (صلی اللہ علیہ وآلہ وسلم) کے دور میں سورج گرہن ہوا آپ (صلی اللہ علیہ وآلہ وسلم) نے دو رکعتیں پڑھ کر سلام پھیر دیا پھر دو رکعتیں پڑھیں اور سلام پھیرا حتی کہ اتنے میں سورج چھٹ گیا ، اس کے بعد آپ (صلی اللہ علیہ وآلہ وسلم) نے فرمایا : کچھ لوگوں کا گمان ہے کہ سورج اور چاند کسی بڑے آدمی کی موت کی وجہ سے گرہن ہوتے ہیں۔ حالانکہ ایسا نہیں ہوتا لیکن سورج اور چاند اللہ تعالیٰ کی مخلوق ہیں جب اللہ تعالیٰ اپنی مخلوق پر ہلکی سی تجلی ڈالتا ہے تو وہ اللہ تعالیٰ کے حضور جھک جاتی ہے۔ (رواہ الامام احمد بن حنبل وابن جریر)