23535 ۔۔۔ مالک دار روایت نقل کرتے ہیں کہ سیدنا حضرت عمر ابن خطاب (رض) کے دور خلافت میں قحط پڑگیا جس سے لوگ کافی متاثر ہوئے ایک آدمی حضور اکرم (صلی اللہ علیہ وآلہ وسلم) کی قبر مبارک پر آیا اور کہنے لگا : یا رسول اللہ (صلی اللہ علیہ وآلہ وسلم) اللہ تبارک وتعالیٰ سے اپنی امت کے لیے بارش طلب کیجئے بلاشبہ آپ کی امت ہلاکت کے دہانے پر پہنچ چکی ہے چنانچہ اس آدمی کو خواب میں رسول اللہ (صلی اللہ علیہ وآلہ وسلم) کی زیارت ہوئی ، آپ (صلی اللہ علیہ وآلہ وسلم) نے فرمایا : عمر (رض) کے پاس جاؤ اور انھیں میرا سلام کہو اور انھیں خبر دو کہ لوگوں پر بارش برسائی جائے گی اور ان سے کہو کہ عقلمندی کا دامن ہاتھ سے مت چھوڑو ، چنانچہ وہ آدمی سیدنا حضرت عمر ابن خطاب (رض) کے پاس آیا اور سارا ماجرا سنایا سیدنا حضرت عمر ابن خطاب (رض) سن کر رو پڑے اور پھر فرمایا : اے میرے پروردگار جس کام کو بجا لانے سے میں عاجز نہ رہا اس میں کوتاہی نہیں کروں گا ۔ (رواہ البیہقی فی الدلائل)