23540 ۔۔۔ ” مسند کعب بن مرہ البہزی “۔۔۔ کہتے ہیں کہ ہم ایک مرتبہ رسول اللہ (صلی اللہ علیہ وآلہ وسلم) کے پاس تھے اتنے میں ایک آدمی آیا اور کہنے لگایا رسول اللہ اللہ تعالیٰ سے ہمارے لیے بارش طلب کیجئے چنانچہ رسول اللہ (صلی اللہ علیہ وآلہ وسلم) نے اس وقت ہاتھ اٹھائے اور یہ دعا مانگی : ” اللہم اسقنا غیثا مریعا عاجلا غیر رائث نافعا غیر ضار “۔ یعنی یا اللہ ! تو ہمیں بارش سے سیراب فرما جو فریاد رسی کرے جو ارزانی کرنے والی ہو جلدی آنے والی ہو دیر سے آنے والی نہ ہو جو نفع پہنچانے والی ہو نقصان پہنچانے والی نہ ہو ، چنانچہ جمعہ بھی نہیں آیا تھا کہ زور دار بارش برسی حتی کہ لوگ بارش کی شکایت لے کر آپ (صلی اللہ علیہ وآلہ وسلم) کی خدمت میں حاضر ہوئے اور کہنے لگے : یا رسول اللہ (صلی اللہ علیہ وآلہ وسلم) ہمارے گھر منہدم ہوچکے رسول اللہ (صلی اللہ علیہ وآلہ وسلم) نے فرمایا : یا اللہ اب بارش کا رخ ہمارے مضافات کی طرف موڑ دے اور ہمارے اوپر نہ برسا چنانچہ بادل کٹ کٹ کر دائیں بائیں ہونے لگے ۔ (رواہ ابن ابی شیبۃ وابن ماجہ)