23552 ۔۔۔ ربیعہ بن قسیط کی روایت ہے کہ وہ جماعت والے سال حضرت عمروبن العاص (رض) کے ساتھ تھے واپس لوٹ رہے تھے کہ تازہ خون برسنے لگا ربیعہ کہتے ہیں : میں نے دیکھا ہے کہ برتن رکھ دیئے جاتے اور وہ تازہ خون سے بھر جاتے تھے ، لوگوں کا گمان تھا کہ یہ لوگوں کی آپس کی لڑائیوں میں بہنے والا خون ہے جو اب بارش بن کر برس رہا ہے چنانچہ حضرت عمرو بن العاص (رض) نے اللہ تعالیٰ کی حمد وثناء کی اور پھر فرمایا : اے لوگو تم آپس میں بہتر تعلقات قائم رکھو اور اللہ تعالیٰ کے ساتھ بھی مضبوط سے مضبوط تعلق قائم کرو تمہارا کچھ نقصان نہیں ہوگا گو یہ دو پہاڑ خون کیوں نہ بن جائیں ۔ (رواہ ابن عساکر وسندہ صحیح)