23554 ۔۔۔ عبداللہ بن حارث روایت نقل کرتے ہیں کہ ایک مرتبہ حضرت عبداللہ ابن عباس (رض) بصرہ میں تھے سیدنا حضرت علی المرتضی (رض) انھیں بصرہ کا امیر گورنر) مقرر کیا ہوا تھا چنانچہ ایک دن زلزلہ ہوا جس سے زمین تھر تھرا اٹھی حضرت عبداللہ ابن عباس (رض) مسجد میں چلے گئے لوگ بھی آپ کے ساتھ تھے ، آپ (رض) نے نماز کے لیے چار مرتبہ تکبیر کہی اور پھر طویل قرات کی ، پھر رکوع کیا پھر ” سمع اللہ لمن حمدہ “۔ کہا پھر چار تکبیر کہیں اور ان میں طویل قیام کیا پھر رکوع کیا اور پھر ” سمع اللہ لمن حمدہ “۔ کہا پھر چار تکبیریں کہیں اور طویل قیام کیا پھر رکوع کیا اور پھر کہا ” سمع اللہ لمن حمدہ “۔ پھر دو سجدے کیے پھر کھڑے ہوگئے اور چار تکبیریں کہیں اور طویل قیام کیا پھر رکوع کیا اور پھر ” سمع اللہ لمن حمدہ “۔ کہا پھر کھڑے ہوئے اور چار تکبیریں کہیں اور طویل قیام کیا پھر رکوع کیا ور پھر کہا ” سمع اللہ لمن حمدہ “۔ پھر کھڑے ہوئے اور چار تکبریں کہیں اور طویل قیام کیا پھر رکوع کیا اور پھر کہا ” سمع اللہ لمن حمدہ “۔ پھر دو سجدے کیے یوں آپ (رض) نے چوبیس تکبیریں کہیں اور چار سجدے کیے اور پھر فرمایا : اللہ تعالیٰ کی نشانیوں کے ظہور پر یہ نما زپڑھی جاتی ہے۔ مرواہ ابن جریر)