2356 ۔۔ یہ قرآن اللہ کا دستر خوان ہے۔ سو جتنا ہوسکے ، سیکھ لو۔ اور یہ قرآن اللہ کی رسی اور واضح نور ہے۔ شفاء دینے والا نفع مند ہے۔ جس نے اس کو تھاما وہ محفوظ ہوگیا۔ جس نے اس کی پیروی کی، اس کے لیے نجات دہندہ ہے۔ اس کی راہ کج نہیں ہوتی، جس کو درست کیا جائے۔ نہ جادہ حق سے منحرف ہوتی کہ اس کو واپس لایا جائے۔ اس کے عجائبات ختم نہیں ہوتے۔ بار بار دھرانے سے بوسیدہ نہیں ہوتا۔ اس کی تلاوت کرو۔ اللہ تمہیں ہر حرف کے بدلے دس نیکیاں مرحمت فرمائے گا۔ میں نہیں کہتا کہ الم ایک حرف ہے۔ بلکہ الف ایک حرف ہے۔ جس پر دس نیکیاں ملیں گی۔ لام ایک حرف ہے۔ اور میں کسی کو نہ پاؤں کہ وہ ٹانگ پر ٹانگ دھرے نخوت و غرور سے سورة بقرہ کو ترک کیے بیٹھا ہے۔ اس کی تلاوت کرو کیونکہ شیطان اس گھر سے بھاگ جاتا ہے، جس میں سورة بقرہ کی تلاوت کی جاتی ہے۔ گھروں میں خالی و ویران گھر وہ دل ہے جو کتاب اللہ سے خالی ہو۔ (ابن ابی شیبہ، محمد بن نصر، ابن الانباری فی کتاب المصاحف، المستدرک للحاکم، شعب الایمان بروایت ابن مسعود (رض))