23630 ۔۔۔ جو بندہ بھی روزہ کی حالت میں صبح کرتا ہے اس کے لیے آسمان کے دروازے کھول دیئے جاتے ہیں اس کے سب اعضاء تسبیحات میں مشغول رہتے ہیں آسمان دنیا کے رہنے والے (فرشتے ) اس کے لیے استغفار کرتے رہتے ہیں تاوقتیکہ سورج غروب ہوجائے اگر روزہ دار ایک رکعت یا دو رکعتیں پڑھتا ہے اس کے لیے سب آسمان نور سے بھر جاتے ہیں اور جو حوریں اس کی بیویاں ہوں گی وہ کہتی ہیں : یا اللہ ! اسے (روزہ دار کو ) پکڑ کر ہمارے پاس لے آ ہم اسے دیکھنے کے لیے مچل رہی ہیں روزہ دار اگر تسبیح وتہلیل یا تکبیر کہتا ہے تو ستر ہزار فرشتے اسے لے لیتے ہیں اور اس کا اجر وثواب لکھتے رہتے ہیں حتی کی سورج پردوں میں چھپ جائے ۔ مرواہ ابن عدی فی الکامل والدار قطنی فی الافراد والبیھقی عن عائشہ (رض)) کلام :۔۔۔ حدیث ضعیف ہے دیکھئے ذخیرۃ الحفاظ 4891 والمتناھیۃ 897 ۔