23658 ۔۔۔ جس نے ماہ رمضان میں کسی روزہ دار کو حلال کمائی سے روزہ افطار کرایا رمضان بھر میں فرشتے اس کے لیے دعائے مغفرت کرتے رہتے ہیں اور لیلۃ القدر میں جبرائیل امین اس کے ساتھ مصافحہ کرتے ہیں جس آدمی کے ساتھ جبرائیل امین مصافحہ کرتے ہیں اس کے آنسو کثرت سے لیتے ہیں اور وہ نرم دل ہو جات ہے ایک آدمی نے عرض کیا یا رسول اللہ (صلی اللہ علیہ وآلہ وسلم) جسے افطاری کے لیے اس قدر سامان میسر نہ ہو سکے اس کے بارے میں بتائیے ؟ ارشاد فرمایا : اس کے لیے روٹی کا ایک لقمہ بھی کافی ہے اس آدمی نے عرض کیا جس آدمی کے پاس یہ بھی نہ ہو ؟ فرمایا : مٹھی بھر کھانا کافی ہے عرض کیا مجھے بتایئے ک جس کے پاس یہ بھی نہ ہو ؟ فرمایا : گھونٹ بھر دودھ سے افطاری کرا دے ۔ عرض کیا ! جس کے پاس یہ بھی نہ ہو : فرمایا کہ پانی کے ایک گھونٹ سے افطاری کرا دے (رواہ ابن حبان فی الضعفاء والبیھقی فی شعب الایمان عن سلمان) کلام : ۔۔۔ حدیث ضعیف ہے دیکھئے الضعیفہ 1333 ۔ فائدہ : ۔۔۔ حوالہ میں مصنف (رح) نے 4 کا نشان دیا ہے جو اس امر کا غمازہ ہے کہ یہ حدیث سنن اربعہ میں ذکر کی گئی ہے لیکن محشی کہتا کہ تحقیق کے باوجود حدیث سنن میں نہیں پائی گئی ۔