24115 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : چھوٹا بڑا آزاد ہو یا غلام ، مرد ہو یا عورت مالدار ہو یا فقیر ہر دو کی طرف سے صدقہ فطر کے طور پر ایک صاع کھجور یا ایک صاع جو یا ایک صاع گندم یا ایک صاع آٹا واجب ہے۔ مالدار صدقہ فطر ادا کرے گا اللہ تعالیٰ اسے پاک کریں گے فقیر جو صدقہ فطر دے گا اللہ تعالیٰ اس کے دیئے ہوئے سے زیادہ اسے عطا فرمائیں گے ۔ (رواہ احمد وابو داؤد عن عبداللہ بن ثعلبہ) کلام : ۔۔۔ حدیث ضعیف ہے دیکھئے ضعیف الجامع 468 نیز حوالہ میں مسند احمد امام احمد اور سنن ابی داؤد کا ذکر ہوا ہے لیکن ان الفاظ میں یہ حدیث نہ ہی مسند احمد میں ہے اور نہ ہی سنن ابی داؤد میں ہے دیکھئے مسند احمد 4325 وسنن ابی داؤد قم 1619 ۔ کلام : ۔۔۔ حدیث میں ہر دو کی طرف سے ایک صاع گندم یا آٹا وغیرہ ادا کرنا واجب ہے گویا ایک کی طرف سے نصف صاع دینا واجب ہے۔