24288 ۔۔۔ ابو جعفربن علی (رض) کی روایت ہے کہ حضور اکرم (صلی اللہ علیہ وآلہ وسلم) جب رمضان کا چاند دیکھتے تو اس کی طرف رخ کرکے یہ دعا پڑھتے تھے ۔ للہم اھلہ بالامن والایمان والسلامۃ والاسلام والعافیۃ والمحاملۃ ودفاع الاسقام والعون علی الصلوۃ والصیام وتلاوۃ القرآن اللہم سلمنا رمضان وسلمہ لنا وسلمہ منا حتی یحرج رمضان وقد غفرت لنا ورحمتنا وعفوت عنا “۔ ” یا اللہ اس چاند کو ہمارے امن و ایمان سلامتی واسلام کا باعث بنانا اور عافیت و بیماری سے دفاع کا سبب بنانا اور نماز ، روزہ کے لیے مدد بنانا اور تلاوت قرآن کے لیے مددگار بنانا یا اللہ ہمیں رمضان کے لیے سلامت رکھ اور رمضان کو ہمارے لیے سلامت رکھ حتی کہ رمضان گزر جائے درآنحالیکہ تو ہماری مغفرت کرچکا ہو ہم پر رحمت نازل کرچکا ہو اور ہمیں معاف کرچکا ہو ۔ پھر لوگوں کی طرف متوجہ ہو کر فرماتے : اے لوگو ! جب رمضان کا چاند نکل آتا ہے تو مردودشیاطین کو قید کرلیا جاتا ہے جہنم کے دروازے بند کردیئے جاتے ہیں رحمت کے دروازے کھول دیئے جاتے ہیں اور ہر رات آسمان پر ایک منادی اعلان کرتا ہے کہ کوئی ہے توبہ کرنے والا ؟ کوئی ہے مغفرت کا طلبگار ؟ یا اللہ ہر خرچ کرنے والے کو بہترین بدلہ عطا فرما اور مال نہ خرچ کرنے والے کے مال کو ضائع کر دے حتی کہ جب عید الفطر کا دن ہوتا ہے آسمان پر ایک منادی اعلان کرتا ہے کہ آج یوم جائزہ ہے لہٰذا چل پڑو اور اپنے اپنے انعامات حاصل کرلو، محمد بن علی کہتے ہیں اللہ تعالیٰ کے یہ انعامات امراء کے انعامات کے مشابہ نہیں ہیں۔ (رواہ ابن عساکر)