24339 ۔۔۔ حضرت انس بن مالک (رض) کہتے ہیں ایک مرتبہ آسمان سے اولے برسے حضرت ابو طلحہ (رض) نے کہا یہ اولے مجھے پکڑاؤ میں نے انھیں اولے تھما دیئے اور وہ کھانے لگے حالانکہ وہ روزہ میں تھے ، میں نے کہا : آپ اولے کھا رہے ہیں حالانکہ آپ کو روزہ تھا ؟ چنانچہ ابو طلحہ (رض) نے مجھے کہا : اے بھتیجے یہ نہ تو کھانا ہے اور نہ ہی پانی یہ تو آسمان سے اترنے والی برکت ہے جس سے ہم اپنے بطون کو پاک کر رہے ہیں۔ اس کے بعد میں رسول اللہ (صلی اللہ علیہ وآلہ وسلم) کے پاس آیا اور ان سے یہ سارا واقعہ بیان کیا آپ (صلی اللہ علیہ وآلہ وسلم) نے فرمایا : اپنے چچا کے عادت کو اختیار کرو ۔ (رواہ الدیلمی)