24367 ۔۔۔ ” مسند اسامہ (رض) “ عمر بن ابی بکر بن عبدالرحمن اپنے والد ودادا کی سند سے روایت نقل کرتے ہیں حضرت عائشۃ صدیقہ (رض) نے انھیں خبر دی ہے کہ نبی کریم (صلی اللہ علیہ وآلہ وسلم) نماز فجر کے لیے تشریف لے جاتے اور آپ (صلی اللہ علیہ وآلہ وسلم) کے سر مبارک سے غسل جنابت کی وجہ سے نہ کہ غسل احتلام کی وجہ سے پانی کے قطرے ٹپک رہے ہوت پھر صبح کو آپ (صلی اللہ علیہ وآلہ وسلم) روزہ میں ہوتے ۔ چنانچہ یہ حدیث عبدالرحمن نے مروان کو سنائی مروان بولا ! میں تمہیں قسم دے کر کہتا ہوں کہ تم ضرور حضرت ابوہریرہ (رض) کے پاس جاؤ اور انھیں بھی یہ حدیث سناؤ چنانچہ حضرت ابوہریرہ (رض) کہا کرتے تھے کہ جس شخص کو احتلام ہوجائے یا ہم بستری کرے اور پھر صبح ہو چکنے کے بعد غسل کرے اسے روزہ نہیں رکھنا چاہے چنانچہ عبدالرحمن (رض) حضرت ابوہریرہ (رض) کے پاس گئے اور انھیں یہ حدیث سنائی حضرت ابوہریرہ (رض) نے کہا : حضرت عائشۃ صدیقہ (رض) (اس بارے میں) ہم سے زیادہ جانتی ہیں مجھے تو یہ حدیث اسامہ بن زید (رض) نے سنائی تھی ۔ (رواہ النسائی)