2437 ۔۔۔ جس گھر میں اللہ کی کتاب کی تلاوت کی جاتی ہے، اس مبارک گھر میں ملائکہ حاضری دیتے ہیں۔ شیاطین اور آسیبی اثرات وہاں سے دفعان ہوجاتے ہیں۔ اس گھر والوں میں وسعت و فراخی خوب ہوجاتی ہے۔ خیر بڑھ جاتا ہے، شر کم ہوجاتا ہے۔ اور جس گھر میں قرآن کی تلاوت نہیں کی جاتی۔ شیاطین اور برے اثرات اس گھر میں ڈیرہ ڈال لیتے ہیں۔ ملائکہ وہاں سے چلے جاتے ہیں۔ اس گھر والوں کے مال و رزق وغیرہ میں عسرت و تنگدستی ہوجاتی ہے۔ خیر کم ہوجاتا ہے۔ شر بڑھ جاتا ہے۔ (محمد بن نصر بروایت انس (رض)، ابن ابی شیبہ، محمد بن نصر بروایت انس (رض)، ابن ابی شیبہ ، محمد بن نصر بروایت ابوہریرہ (رض) موقوفا)