24384 ۔۔۔ حضرت عبداللہ ابن عمرو (رض) کی روایت ہے کہ ایک آدمی نے رسول کریم (صلی اللہ علیہ وآلہ وسلم) سے دوران سفر رمضان میں روزے رکھنے کے متعلق دریافت کیا آپ (صلی اللہ علیہ وآلہ وسلم) نے فرمایا : روزہ افطار کرلو عرض کیا یا رسول اللہ (صلی اللہ علیہ وآلہ وسلم) میں روزے پر قوت رکھتا ہوں رسول کریم (صلی اللہ علیہ وآلہ وسلم) نے فرمایا : کیا تم زیادہ قوت والے ہو یا پھر اللہ تعالیٰ چنانچہ اللہ تعالیٰ نے میری امت کے مریضوں اور مسافروں پر افطار روزہ کا صدقہ کیا ہے تم میں سے کوئی پسند کرے گا کہ وہ کسی دوسرے پر صدقہ کرے اور پھر وہ واپسی کا مطالبہ کرے ۔ (رواہ عبدالرزاق) کلام : ۔۔۔ اس حدیث کی سند میں اسماعیل بن رافع ہے جو کہ متروک راوی ہے۔