24407 ۔۔۔ حضرت عائشۃ صدیقہ (رض) کی روایت ہے کہ حضور اکرم (صلی اللہ علیہ وآلہ وسلم) کے پاس ایک آدمی آیا اور کہا : میں رمضان میں (بیوی کا) بوسہ لے سکتا ہوں ، آپ (صلی اللہ علیہ وآلہ وسلم) نے فرمایا : جی ہاں پھر آپ (صلی اللہ علیہ وآلہ وسلم) کے پاس دوسرا آدمی آیا اس نے بھی یہی سوال کیا : آپ (صلی اللہ علیہ وآلہ وسلم) نے اسے بوسہ لینے سے منع فرمایا حضرت عائشۃ صدیقہ (رض) کہتی ہیں میں نے عرض کیا یا رسول اللہ (صلی اللہ علیہ وآلہ وسلم) آپ نے پہلے آدمی کو اجازت دے دی اور اسے منع کردیا آپ (صلی اللہ علیہ وآلہ وسلم) نے فرمایا جسے میں نے اجازت دی ہے وہ بوڑھا شخص ہے وہ اپنی حاجت پر قابو پاسکتا ہے اور جسے میں نے منع کردیا ہے وہ نوجوان آدمی ہے وہ اپنی حاجت پر قابو نہیں پاسکتا ۔ (رواہ ابن النجار)