24414 ۔۔۔ سیدنا حضرت عمر ابن خطاب (رض) کی روایت کہ ایک مرتبہ ہم حضور اکرم (صلی اللہ علیہ وآلہ وسلم) کے ساتھ تھے اچانک ایک آدمی آپ (صلی اللہ علیہ وآلہ وسلم) کے پاس لایا گیا اور صحابہ کرام رضوان اللہ تعالیٰ عنہم اجمعین نے عرض کیا : اس شخص نے اتنے اور اتنے دنوں سے روزہ افطار نہیں کیا آپ (صلی اللہ علیہ وآلہ وسلم) نے فرمایا : اس شخص نے نہ روزہ رکھا اور نہ ہی افطار کیا ، جب میں نے آپ (صلی اللہ علیہ وآلہ وسلم) کو غضبناک دیکھا تو میں نے عرض کیا : یا رسول اللہ (صلی اللہ علیہ وآلہ وسلم) ایک دن روزہ اور دو دن افطار کیسا ہے ؟ فرمایا : کوئی اس کی طاقت رکھتا ہے ؟ میں نے عرض کیا : یا رسول اللہ (صلی اللہ علیہ وآلہ وسلم) ! ایک دن روزہ ایک دن افطار یہ تو میرے بھائی داؤد کا طریقہ ہے میں نے عرض کیا : یا رسول اللہ ! ایک دن روزہ اور دو دن افطار فرمایا : اس کی کون طاقت رکھتا ہے میں نے عرض کیا : پیر کے دن کا روزہ کیسا ہے ؟ فرمایا : اس دن میں پیدا ہوا اسی دن مجھ پر نبوت نازل ہوئی میں نے عرض کیا : یا رسول اللہ ! عرفہ اور عاشوراء کے دن کا روزہ فرمایا ان میں سے ایک تو پورے سال کا کفارہ ہے اور دوسرا اگلے پچھلے گناہوں کو مٹا دیتا ہے۔ (رواہ النسائی وابو یعلی وابن جریر وصححہ ومسلم فی صححہ فی کتاب الصوم وذخیرۃ الحفاظ 4300)