24428 ۔۔۔ ” مسند بسر مازنی “۔ خالد بن معدان حضرت عبداللہ بن بسر مازنی (رض) سے روایت نقل کرتے ہیں کہ انھوں نے اپنے والد کو کہتے ہوئے سنا ہے کہ حضور اکرم (صلی اللہ علیہ وآلہ وسلم) نے ہفتہ کے دن روزہ رکھنے سے منع فرمایا ہے اور حکم دیا ہے کہ جو شخص اس دن درخت کی لکڑی کے سوا کچھ نہ پائے وہ اسی کو چپا لے بہرحال اس دن روزہ نہ رکھے ابن بسر کہتے ہیں : اگر تمہیں شک ہو تو میری بہن سے پوچھ لو چنانچہ خالد بن معدان چل کر ابن بسر کی بہن کے پاس آئے اور ان سے پوچھا چنانچہ انھوں نے یہی حدیث سنائی ، (رواہ ابونعیم)