24433 ۔۔۔ ” مسند حمزہ بن عمرو اسلمی (رض) “ قتادہ (رض) ، سلمان بن یسار (رض) کی سند سے مروی ہے کہ حمزہ اسلمی (رض) نے ایک شخص کو گندمی رنگ کے اونٹ پر سوار دیکھا اور وہ نبی کریم (صلی اللہ علیہ وآلہ وسلم) کے پیچھے پیچھے جا رہا تھا اور نبی کریم (صلی اللہ علیہ وآلہ وسلم) برابر آگے چلے جا رہے تھے اور وہ شخص کہہ رہا تھا کہ یہ کھانے پینے کے دن ہیں لہٰذا ان دنوں میں روزہ مت رکھو قتادہ (رض) کہتے ہیں ہم سے بیان کیا گیا ہے کہ ایام تشریق میں منادی حضرت بلال (رض) تھے ۔ (رواہ ابن جریر)