24575 ۔۔۔ ” مسند اسامہ بن زید (رض) “ حضرت اسامہ (رض) کہتے ہیں : میں نے عرض کیا : یا رسول اللہ ! جب آپ (صلی اللہ علیہ وآلہ وسلم) روزے رکھتے ہیں یوں لگتا ہے گویا آپ (صلی اللہ علیہ وآلہ وسلم) افطار ہی نہیں کریں گے اور جب افطار کرتے ہیں یوں لگتا ہے گویا آپ (صلی اللہ علیہ وآلہ وسلم) روزہ رکھیں گے ہی نہیں بجز دو دنوں کے وہ آپ (صلی اللہ علیہ وآلہ وسلم) کے روزوں میں داخل ہوجاتے ہیں تو آپ (صلی اللہ علیہ وآلہ وسلم) ان کا روزہ رکھ لیتے ہیں : فرمایا : کون سے دو دن ؟ میں نے عرض کیا : پیر اور جمعرات آپ (صلی اللہ علیہ وآلہ وسلم) نے فرمایا : ان دو دنوں میں اعمال اللہ رب العزت کے حضور پیش کیے جاتے ہیں میں پسند کرتا ہوں کہ بحالت روزہ میرے اعمال پیش کیے جائیں ۔ (رواہ احمد والنسائی وابن زنجویہ والضیاء ولفظ ابن ابی شیبۃ)