24615 ۔۔۔ حضرت جابر (رض) کی روایت ہے کہ ایک شخص حضور اکرم (صلی اللہ علیہ وآلہ وسلم) کے پاس آیا اور آپ (صلی اللہ علیہ وآلہ وسلم) سے روزہ کے متعلق سوال کیا آپ (صلی اللہ علیہ وآلہ وسلم) نے اس شخص سے اعراض کرلیا چنانچہ حضرت عبداللہ ابن مسعود (رض) نے فرمایا : رمضان کے روزے رکھو اور پھر ہر مہینہ میں تین دن روزے رکھو اس شخص نے پھر عرض کیا یا رسول اللہ ! مجھے روزہ کے متعلق بتائیے حضرت عبداللہ ابن مسعود (رض) نے کہا : رمضان کے روزے رکھو اور پھر ہر مہینہ میں تین دن روزہ رکھو وہ شخص بولا : اے عبداللہ ! میں تجھ سے اللہ تعالیٰ کی پناہ مانگتا ہوں رسول کریم (صلی اللہ علیہ وآلہ وسلم) نے فرمایا : تو کیا چاہتا ہے ؟ رمضان کے روزے رکھو اور پھر ہر مہینہ میں تین دن روزے رکھو۔ (رواہ ابن زنجویہ وسندہ حسن)