24617 ۔۔۔ حضرت کہمس ہلالی کہتے ہیں حضور اکرم (صلی اللہ علیہ وآلہ وسلم) کی خدمت میں حاضر ہوا اور آپ (صلی اللہ علیہ وآلہ وسلم) کو اسلام لانے کی خبر دی پھر میں سال بھر غائب رہا پھر میں (ایک سال کے بعد) آپ (صلی اللہ علیہ وآلہ وسلم) کی خدمت میں حاضر ہوا اور درآنحالیکہ میرا بطن سکڑ چکا تھا اور میرا جسم کمزور اور لاغر ہوچکا تھا آپ (صلی اللہ علیہ وآلہ وسلم) نے مجھے ایک نظر دیکھ کر نظر جھکالی اور پھر اوپر اٹھائی میں نے عرض کیا : یا رسول اللہ (صلی اللہ علیہ وآلہ وسلم) گویا کہ آپ مجھے نہیں جانتے ؟ فرمایا : جی ہاں ، بھلا تم کون ہو ؟ میں نے عرض کیا : میں کہمس ہلالی ہوں جو گزشتہ سال آپ کی خدمت میں حاضر ہوا تھا فرمایا : تم اس حالت کو کیونکہ پہنچ چکے ہو ؟ میں نے عرض کیا : یا رسول اللہ (صلی اللہ علیہ وآلہ وسلم) ! جس وقت سے میں آپ سے جدا ہوا ہوں اس وقت سے دن کو افطار نہیں کیا اور رات کو سویا نہیں ہوں آپ (صلی اللہ علیہ وآلہ وسلم) نے فرمایا : ایسا کرنے گا تمہیں کس نے حکم دیا تھا کہ تم اپنے آپ کو عذاب میں مبتلا رکھو تم ماہ صبر کے روزے رکھو اور پھر ہر مہینہ میں ایک دن روزہ رکھو میں نے عرض کیا : میرے لیے اضافہ کیجئے آپ (صلی اللہ علیہ وآلہ وسلم) نے فرمایا : ماہ صبر کے روزے رکھو اور پھر ہر مہینہ میں تین دن روزے رکھو ۔ مرواہ الطبرانی وابن جریر ، ورواہ ھذ الحدیث ابن الاثیر فی اسد الغابۃ 5024 فی ترجمۃ کھمس الھلالی وقال واخرجہ ابن مندہ وابو نعیم)