24631 ۔۔۔ ابن حوتکیہ کہتے ہیں میں سیدنا حضرت عمر ابن خطاب (رض) کی خدمت میں حاضر ہوا آپ (رض) نبی کریم (صلی اللہ علیہ وآلہ وسلم) کے صحابہ کرام رضوان اللہ تعالیٰ عنہم اجمعین کے ساتھ گھر کے صحن میں بیٹھے ہوئے تھے صحابہ کرام رضوان اللہ تعالیٰ عنہم اجمعین فرما رہے تھے ہم اس وقت موجود تھے جب ایک عرابی نے نبی (صلی اللہ علیہ وآلہ وسلم) کو خرگوش ہدیہ میں پیش کیا تھا چنانچہ آپ (صلی اللہ علیہ وآلہ وسلم) اس وقت تک ھدیۃ کی چیز تناول نہیں فرماتے تھے جب تک کہ صاحب ہدیہ خود بھی نہ کھا لیتا چونکہ ایک مرتبہ خیبر میں آپ (صلی اللہ علیہ وآلہ وسلم) کو زہر آلود بکری ہدیہ میں پیش کی گئی تھی حضور اکرم (صلی اللہ علیہ وآلہ وسلم) نے اعرابی سے فرمایا : تم کھاؤ اس نے جواب دیا : مجھے روزہ ہے آپ (صلی اللہ علیہ وآلہ وسلم) نے فرمایا : تم مہینہ میں کتنے روزے رکھتے ہو اس نے عرض کیا : تین دن آپ (صلی اللہ علیہ وآلہ وسلم) نے فرمایا : شاباش یہ روزے ایام بیض یعنی 13 ، 14، 15، تاریخوں میں رکھو نبی کریم (صلی اللہ علیہ وآلہ وسلم) نے (بھونے ہوئے) خرگوش سے کچھ تناول فرمانے کے لیے ہاتھ بڑھایا تو اعرابی بولا : رہی بات میری سو میں نے اسے خون آلود دیکھا تھا چنانچہ نبی کریم (صلی اللہ علیہ وآلہ وسلم) نے اپنا ہاتھ روک لیا ۔ (رواہ ابن جریر وصححۃ)