25268 ۔۔۔ تم ہرگز اس وقت تک کامل مومن نہیں ہوسکتے جب تک تم آپس میں دوستی اور محبت نہ کرلو کیا میں تمہیں ایسی چیز نہ بتاؤں جسے تم کرو تو آپس میں محبت کرنے لگو گے ۔ آپس میں زیادہ سے زیادہ سلام پھیلاؤ ، قسم ہے اس ذات کی جس کے قبضہ قدرت میں میری جان ہے تم جنت میں داخل نہیں ہوگے جب تک تم آپس میں نرمی سے پیش نہیں آؤ گے صحابہ کرام رضوان اللہ تعالیٰ عنہم اجمعین نے عرض کیا : یا رسول اللہ ! ہم میں سے ہر شخص رحمدل ہے ؟ آپ نے فرمایا : رحمت تم میں سے کسی ایک کے ساتھ خاص نہیں ہے لیکن رحمت عام ہے۔ (رواہ الطبرانی والحاکم عن ابی موسیٰ)