25551 ۔۔۔ سیدنا حضرت عمر بن خطاب (رض) کی روایت ہے کہ نبی کریم (صلی اللہ علیہ وآلہ وسلم) نے ارشاد فرمایا : اللہ تعالیٰ کے بندوں میں سے کچھ بندے ہیں جو انبیاء ہیں اور نہ ہی شہداء عرض کیا گیا : یا رسول اللہ (صلی اللہ علیہ وآلہ وسلم) وہ کون ہیں اور ان کے اعمال کیا ہیں ؟ ارشاد فرمایا : وہ ایسے لوگ ہیں ، جو اللہ تعالیٰ کی رضا کے لیے آپس میں محبت رکھتے ہیں حالانکہ ان میں کوئی رشتہ داری نہیں اور نہ ہی مالی لین دین ہے بخدا ! ان کے چہروں پر نور چمک رہا ہوگا اور وہ نور پر ہوں گے جب لوگ خوفزدہ ہوں گے انھیں کسی قسم کا خوف دامن گیر نہیں ہوگا جب لوگ غمزدہ ہوں گے انھیں کوئی غم نہیں ہوگا پھر رسول اللہ (صلی اللہ علیہ وآلہ وسلم) نے یہ آیت کریمہ تلاوت فرمائی : ” الا ان اولیاء اللہ لا خوف علیھم ولا ھم یحزنون “۔ ہوشیار ہو اللہ تعالیٰ کے دوستوں کو نہ کوئی خوف ہے اور نہ ہی غم : (رواہ ابو داؤد وھناد وابن جریر وابن ابی حاتم ، ابن مردویہ ، وابو نعیم ، فی الحلیۃ وٍالبیہقی فی شعب الایمان)