25607 ۔۔۔ محمد بن عبداللہ بن سلام کی روایت ہے کہ وہ نبی کریم (صلی اللہ علیہ وآلہ وسلم) کی خدمت میں حاضر ہوئے اور عرض کیا : میرے پڑوسی نے مجھے اذیت پہنچائی ہے، آپ نے فرمایا : صبر کرو محمد بن عبداللہ دوسری بار پھر حاضر ہوئے آپ نے فرمایا : صبر کرو تیسری بار پھر حاضر ہوئے اور عرض کیا : میرے پڑوسی نے مجھے اذیت پہنچائی ہے آپ نے فرمایا : اپنا سازو سامان اٹھا کر گلی میں پھینک دو جب کوئی تمہارے پاس آئے کہو : میرے پڑوسی نے مجھے اذیت پہنچائی ہے یوں اس طرح اس پر لعنت متحقق ہوجائے گی چونکہ جو شخص اللہ تعالیٰ اور آخرت کے دن پر ایمان رکھتا ہو وہ اپنے پڑوسی کا اکرام کرے جو شخص اللہ تعالیٰ اور آخرت کے دن پر ایمان رکھتا ہو وہ اپنے مہمان کا اکرام کرے اور جو شخص اللہ تعالیٰ اور آخرت کے دن پر ایمان رکھتا ہو وہ بھلی بات کہے یا خاموش رہے ۔ (رواہ ابو نعیم فی المعرفۃ)