25615 ۔۔۔ حضرت ابوہریرہ (رض) روایت کی ہے کہ نبی کریم (صلی اللہ علیہ وآلہ وسلم) سے عرض کیا گیا کہ فلاں عورت رات کو قیام کرتی ہے ، دن کو روزہ رکھتی ہے خیرات کرتی ہے، صدقہ کرتی ہے لیکن اپنی زبان سے پڑوسیوں کو اذیت پہنچاتی ہے رسول اللہ (صلی اللہ علیہ وآلہ وسلم) نے فرمایا : اس میں کوئی بھلائی نہیں وہ اہل دوزخ میں سے ہے عرض کیا گیا کہ فلاں عورت فرض نماز پڑھتی ہے اور پنیر کے چند ٹکڑے صدقہ کردیتی ہے البتہ کسی کو اذیت نہیں پہنچاتی اس پر رسول اللہ (صلی اللہ علیہ وآلہ وسلم) نے فرمایا : وہ اہل جنت میں سے ہے۔ (رواہ البیہقی فی شعب الایمان، وابو داؤد الطیاسی)