25656 ۔۔۔ ’ مسند عمر (رض) “۔ حضرت انس بن مالک (رض) روایت کی ہے کہ ایک باندی سیدنا حضرت عمر بن خطاب (رض) کے پاس آئی آپ (رض) اسے پہچانتے تھے وہ ایک مہاجر کی باندی تھی اس نے چادر سے اپنا سر ڈھانپ رکھا تھا آپ (رض) نے اس سے پوچھا : کیا تو آزاد ہوچکی ہے ؟ جواب دیا نہیں فرمایا : پھر تو نے چادر کیوں اوڑھ رکھی ہے سر سے چادر اتار دو ، چادریں تو مومنین کی آزاد عورتوں کے لیے ہیں، باندی نے چادر اتارنے میں قدرے توقف کیا ، آپ (رض) کوڑا لے کر اس کی طرف بڑھے اور سر پر کوڑا دے مارا حتی کہ باندی نے سر سے چادر اتار دی ۔ (رواہ ابن ابی شیبۃ)