25665 ۔۔۔ معرور بن سوید کی روایت ہے کہ میں مقام ربذہ سے گزر رہا تھا میں نے ابو ذر (رض) کو دیکھا کہ ان ؤر ایک قسم کی چادر ہے اور اسی جیسی دوسری چادر ان کے غلام پر ہے۔ میں نے پوچھا : اے ابو ذر ! اگر آپ یہ دونوں چادریں جمع کرلیتے یوں پورا جوڑا ہوجاتا انھوں نے فرمایا : میں تمہیں اس کے متعلق بتائے دیتا ہوں میں نے اپنے ساتھیوں میں سے ایک شخص کو گالیاں دے دی تھیں اس کی ماں عجمیہ تھی میں نے اسے ماں کا عیب لگایا تھا چنانچہ وہ شخص نبی کریم (صلی اللہ علیہ وآلہ وسلم) کے پاس شکایت کرنے آیا نبی کریم (صلی اللہ علیہ وآلہ وسلم) نے فرمایا : اے ابو ذر تجھ میں جاہلیت ہے۔ میں نے عرض کیا نبی کریم (صلی اللہ علیہ وآلہ وسلم) میری اس عمر میں تکبر کی وجہ سے مجھ میں جاہلیت ہے ؟ آپ نے فرمایا : تجھ میں جاہلیت ہے بلاشبہ غلام تمہارے بھائی ہیں اللہ تبارک وتعالیٰ نے تمہارے ماتحت بنا کر تمہیں آزمائش میں ڈالا ہے لہٰذا جس کا بھائی اس کے ماتحت ہو وہ اسے وہی کھانا کھلائے جو وہ خود کھاتا ہو اسے ایسا ہی کپڑا پہنائے جیسا خود پہنتا ہو اس سے وہ کام نہ لے جو اس سے نہ ہوسکتا ہو اگر اس کی طاقت سے زیادہ اس سے کام لینا بھی ہوتا کم از کم اس کی مدد کرے ۔ (رواہ عبدلرزاق )