25674 ۔۔۔ عکرمہ کی روایت ہے کہ ایک مرتبہ نبی کریم (صلی اللہ علیہ وآلہ وسلم) حضرت ابو مسعود انصاری (رض) کے پاس سے گزرے جب کہ ابو مسعود (رض) اپنے خادم کو مار رہے تھے نبی کریم (صلی اللہ علیہ وآلہ وسلم) نے پکار کر فرمایا : اے ابو مسعود ! تمہیں جان لینا چاہیے جب ابو مسعود (رض) نے آواز سنی ہاتھ سے کوڑا پھینک دیا نبی کریم (صلی اللہ علیہ وآلہ وسلم) نے فرمایا : اللہ کی قسم ! تمہیں اس غلام پر جتنی قدرت ہے اس سے کہیں زیادہ اللہ تبارک وتعالیٰ کو تمہارے اوپر قدرت ہے۔ عکرمہ کہتے ہیں کہ نبی کریم (صلی اللہ علیہ وآلہ وسلم) نے منع فرمایا ہے کہ کوئی شخص اپنے غلام کا مثلہ کرے جس سے وہ کانا ہوجائے یا اس کی ناک کٹ جائے ۔ آپ نے فرمایا کہ غلاموں کو پیٹ بھر کر کھانا کھلاؤ انھیں بھوکے نہ رکھو انھیں کپڑے پہناؤ اور انھیں ننگے نہ رکھو انھیں زیادہ نہ مارو چونکہ ان کے متعلق تم سے سوال کیا جائیے گا انھیں کسی کام پر برا بھلا مت کہو جو شخص اپنے غلام کو ناپسند کرتا ہو وہ اسے بیچ ڈالے اور اللہ تعالیٰ کے رزق کو اس پر بند نہ کرے (رواہ عبدالرزاق)