25765 ۔۔۔ عدی بن حاتم (رض) روایت کی ہے کہ جب وہ نبی کریم (صلی اللہ علیہ وآلہ وسلم) کی خدمت میں حاضر ہوئے آپ نے عدی (رض) کی طرف تکیہ پھینکا ۔ لیکن عدی (رض) زمین پر بیٹھ گئے اور کہا : میں گواہی دیتا ہوں کہ آپ زمین میں بلندی کے طالب نہیں ہیں اور نہ فساد پھیلانا چاہتے ہیں عدی (رض) نے اسلام قبول کیا صحابہ کرام رضوان اللہ تعالیٰ عنہم اجمعین نے عرض کیا : یا نبی اللہ ! ہم نے آپ کو عدی کے ساتھ عجیب سماں میں دیکھا ہے جبکہ ہم نے اس طرح کسی کو نہیں دیکھا ۔ فرمایا : جی ہاں ۔ یہ اپنی قوم کا سردار ہے جب تمہارے پاس کسی قوم کا سردار آجائے اس کا اکرام کرو ۔ (رواہ العسکری فی الامثال وابن عساکر)