25777 ۔۔۔ ” مسند سالم بن عبید اشجعی (رض) “ ہلال (رض) بن یساف روایت کی ہے کہ میں سالم بن عبید کے ساتھ ایک سفر میں تھا لوگوں میں سے ایک شخص نے چھینک ماری اور کہا : ” السلام علیکم “ ، سالم بن عبید نے کہا : ” علیک وعلی امک “ پھر کہا : شاید تم نے میری کہی بات کو کچھ واہی سمجھا ہے اس شخص نے کہا : ” جی ہاں میں چاہتا ہوں کہ تم نے میری ماں کا خیر وشر میں ذکر نہ کیا ہوتا سالم بن عبید نے کہا : میں نے تم سے وہی بات کہی ہے جو رسول اللہ (صلی اللہ علیہ وآلہ وسلم) نے فرمائی تھی ، چنانچہ ایک مرتبہ ہم نبی کریم (صلی اللہ علیہ وآلہ وسلم) کے پاس بیٹھے ہوئے تھے اچانک ایک شخص نے چھینک ماری اور کہا : ” السلام علیکم “ نبی کریم (صلی اللہ علیہ وآلہ وسلم) نے فرمایا : ” علیک وعلی امک “ پھر فرمایا : جب تم میں سے کوئی شخص چھینک مارے وہ کہے : ” الحمد للہ رب العالمین “۔ یا کہے : ” الحمد للہ علی کل حال “ ۔ اور اس کے پاس جو لوگ کہوں وہ کہیں ” یرحمک اللہ “ اور چھینکنے والا جواب میں کہے ” یغفر اللہ لنا ولکم “۔ (رواہ ابو داؤد الطیالسی واحمد بن حنبل والترمذی وابن جریر وابن اسنی والطبرانی والحاکم والبیہقی فی شعب الایمان والضیاء)