25781 ۔۔۔ مسند ابوہریرہ (رض) ایک مرتبہ نبی کریم (صلی اللہ علیہ وآلہ وسلم) کے پاس دو شخص بیٹھے ہوئے تھے ان میں سے ایک اشرف واعلی تھا جو شریف تھا اسے چھینک آئی اس نے ” الحمد للہ “ نہ کہا رسول اللہ (صلی اللہ علیہ وآلہ وسلم) نے ” یرحمک اللہ “ بھی نہ کہا ۔ پھر دوسرے نے چھینک ماری اس نے ” الحمد للہ “ کہا ، اور جواب میں رسول اللہ (صلی اللہ علیہ وآلہ وسلم) نے ” یرحمک اللہ “ بھی کہا ، شریف شخص بولا : میں نے چھینک ماری آپ نے جواب میں ’‘’ یرحمک اللہ “ نہیں کہا جبکہ اس نے چھینک ماری اور آپ نے ” یرحمک اللہ “ کہا۔ فرمایا : تو نے اللہ تعالیٰ کو بھلا دیا تھا میں نے تجھے بھلا دیا ، اس نے اللہ کو یاد کیا میں نے بھی اسے یاد کیا ۔ (رواہ ابن شاھین)