25783 ۔۔۔ حضرت ابوہریرہ (رض) روایت کی ہے کہ نبی کریم (صلی اللہ علیہ وآلہ وسلم) نے فرمایا : جب اللہ تعالیٰ نے آدم (علیہ السلام) کو پیدا کیا انھیں چھینک آئی اللہ تعالیٰ نے آدم (علیہ السلام) کو الہام کیا کہ کہو : ” الحمد للہ “ ، رب تعالیٰ نے ان سے کہا : تمہارے رب نے تمہارے اوپر رحم کردیا ، پس یہی بات ہے کہ اللہ تبارک وتعالیٰ کی رحمت اس کے غضب پر سبقت لے جاتی ہے۔ پھر اللہ تبارک وتعالیٰ نے کہا : فرشتوں کے پاس آؤ اور انھیں سلام کرو چنانچہ آدم (علیہ السلام) فرشتوں کے پاس آئے اور کہا : ” السلام علیکم “ فرشتوں نے کہا : ” اسلام علیکم و رحمۃ اللہ “ چنانچہ فرشتوں نے رحمۃ اللہ کا اضافہ کر کے جواب دیا۔ (رواہ ٍالبیہقی فی شعب الایمان)