25975 ۔۔۔ ”’ مسند علی “ شیخ شمس الدین ابن الجزری کتاب ” اسنی المطالب فی مناقب علی بن ابی طالب “ میں لکھتے ہیں : شیخ محمد بن مسعود الکا زرونی نے مشعر حرام میں اسودین پانی اور کھجور سے میری مہمانی کی انھوں نے کہا : میرے والد نے اسودین یعنی پانی اور کھجور سے میری مہمانی کی انھوں نے : میرے شیخ ابو فضائل اسماعیل بن مظفر بن محمد نے اسودین پانی اور کھجور سے میری مہمانی کی ، انھوں نے کہا : ابوالمفاخر عمر بن مظفر نے اسودین سے ہماری مہمانی کی انھوں نے کہا : ابوبکر عبداللہ بن محمد بن سابور نے اسودین سے ہماری مہمانی کی ، انھوں نے کہا : ابو مبارک عبدالعزیز بن محمد بن منصور نے اسودین سے ہماری مہمانی کی ، انھوں نے کہا : ابو مسعود سلیمان بن ابراہیم بن محمد نے اسودین (پانی اور کھجور) سے ہماری مہمانی کی انھوں نے کہا : ابو مسعود عبداللہ بن ابراہیم ابن عیسیٰ مالکی نے اسودین سے ہماری مہمانی کی ، انھوں نے کہا : ابو الحسن علی بن حسن صیقلی نے اسودین سے ہماری مہمانی کی ۔ انھوں نے کہا : ابو شیبہ احمد بن ابراہیم مخرمی عطار نے اسودین سے ہماری مہمانی کی ، انھوں نے کہا : جعفر بن محمد بن عاصم دمشقی نے اسودین سے ہماری مہمانی کی انھوں نے کہا : نوفل بن اھاب نے اسودین سے ہماری مہمانی کی انھوں نے کہا : عبداللہ بن میمون قداح نے اسودین سے ہماری مہمانی کی انھوں نے کہا جعفر بن محمد بن صادق نے اسودین سے ہماری مہمانی کی ، انھوں نے کہا : محمد بن علی الباقر نے اسودین (کھجور اور پانی) سے ہماری مہمانی کی ، انھوں نے کہا : علی بن حسن نے اسودین سے ہماری مہمانی کی انھوں نے : حضرت حسین بن علی (رض) نے اسودین سے میری مہمانی کی انھوں نے کہا : حضرت علی بن ابی طالب (رض) نے اسودین سے میری مہمانی کی انھوں نے کہا : رسول اللہ (صلی اللہ علیہ وآلہ وسلم) نے اسودین (کھجور اور پانی) سے میری مہمانی کی اور ارشاد فرمایا : جس شخص نے کسی مومن کی مہمانی کی گویا اس نے آدم (علیہ السلام) کی مہمانی کی جس نے دو آدمیوں کی مہمانی کی گویا اس نے آدم اور حواء کی مہمانی کی ، جس نے تین آدمیوں کی مہمانی کی گویا اس نے جبرائیل میکائیل اور اسرافیل کی مہمانی کی ۔۔ کلام : ۔۔۔ ابن جزری کہتے ہیں : یہ حدیث بہت غریب ہے اس اسناد سے ہمارے لیے اس کا وقوع نہیں ہوا شیخ جلال الدین سیوطی (رح) کہتے ہیں : عبداللہ بن میمون قداح متروک ہے ، امام بخاری (رح) کہتے ہیں : وہ ذاھب الحدیث ہے ، ابن حبان کہتے ہیں : جن احادیث میں یہ منفرد ہو ان سے احتجاج نہیں کیا جائے گا ، دیکھئے میزان الاعتدال 5142 ۔